Azərbaycan yaxınlığında əməliyyat: Mafiya çökdürüldü – Şok faktlar

Rusiyada 250 nəfər üzvü olan mafiyaya qarşı əməliyyat keçirilib.

Teleqraf.com xəbər verir ki, əməliyyat nəticəsində çoxlu sayda silah, bomba, tank əleyhinə sistemlər və raket başlıqları müsadirə olunaraq götürülüb.

Əməliyyat Rusiya Daxili İşlər Nazirliyi və Milli Terrorizmlə Mübarizə Komitəsi tərəfindən Dağıstan Muxtar Respublikasında reallaşdırılıb.

Yayılan açıqlamada təşkilatın təxminən 250 üzvünün, bunların arasında yüksək rübətli bürokratların və məşhur vəkillərin olduğu bildirilib.

Təşkilata üzv şəxslərin ələ keçirilməsi istiqamətində axtarışların davam etdiyi, bir neçə şəxsin saxlanıldığı açıqlanıb. Rusiyanın müxtəlif bölgələrinə yayılmış mafiya üzvlərinin təyyarələrlə Moskvaya gətirilərək ifadələrinin alınmağa başlanıldığı vurğulanıb.