Suraxanıda narkotik alverçisi tutuldu

Bakının Suraxanı rayonunda əməliyyat keçirilib.

Teleqraf.com xəbər verir ki, Suraxanı rayon Polis İdarəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Yeni Günəşli qəsəbəsində yaşayan R.Həsənov saxlanılıb.

Şəxsi axtarış zamanı ondan marixuana aşkar edilərək götürülüb.

Davam etdirilən əməliyyat-axtarış tədbirləri nəticəsində R.Həsənovun evindən əlavə olaraq 1 kiloqram 510 qram marixuana götürülüb.

Faktla bağlı araşdırma aparılır.