21 Yanvar 17:09
656

Daxili İşlər Nazirliyi Gəncədə avtomat silahla gəzən şəxsin həbs edilməsi ilə bağlı məlumat yayıb.

Daxili İşlər Nazirliyinin mətbuat xidmətinin Gəncə regional qrupundan Teleqraf.com-a verilən məlumata görə, Gəncə şəhər Baş Polis İdarəsinin Kəpəz rayon Polis İdarəsinin əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş 28 yaşlı Osman Mərdənov saxlanılaraq Polis İdarəsinə gətirilib.

Onun üzərində şəxsi axtarış keçirilən zaman 1 ədəd üzərində “Makarov” sözü yazılan, qaz tapançası aşkar olunaraq götürülüb.

Davam etdirilən əməliyyat-axtarış tədbirləri nəticəsində saxlanılan şəxsin yaşadığı evə baxış keçirilən zaman sellofan torbaya bükülmüş, buraxılış ili və nömrəsi silinmiş “Kalaşnikov AK 74” markalı avtomat, 1 ədəd həmin avtomata aid daraq və 30 ədəd 5.45 mm kalibirli avtomat güllələri aşkar edilərək götürülüb.

Faktla bağlı araşdırmalar davam etdirilir.

***

12:29

Gəncə şəhərində əməliyyat keçirilib.

Teleqraf.com xəbər verir ki, Kəpəz rayon Polis İdarəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Gəncə şəhər sakini, əvvəllər məhkum olunmuş O.Mərdanov həbs edilib.

Ondan qaz tapançası götürülüb.

Davam etdirilən tədbirlərlə onun evindən isə “AK-74” markalı silah, 1 ədəd patron darağı və 30 ədəd patron aşkar edilib.

Faktla bağlı cinayət işi başlanıb.

Osman Mərdanovun kriminal aləmlə əlaqəsi olduğu bildirilir.


Müəllif: Hacı Zeynalov