Məhkəmənin kəsdiyi cəriməni oğurluq etdiyi pulla ödəmək istədi

Abşeron rayonunda soyğunçuluq edən şəxs həbs edilib.

Bu barədə Teleqraf.com-a Abşeron şəhər Polis İdarəsindən məlumat verilib.

Məlumata görə, rayon sakini Elvin Bədəlovun “VAZ-21015” markalı avtomobilindən 40 manat oğurlanıb. Elvin Bədəlov oğurluq hadisəsinin baş verməsi ilə bağlı polisə şikayət edib.

Elvin Bədəlovun avtomobilindən oğurluq edən şəxsi polis başqa bir cinayət hadisəsini törətməyə cəhd edərkən saxlayıb. Xırdalan şəhər sakini Rövşən Qarayev Abşeron rayonu ərazisində mağazadan oğurluq etmək istəyərkən polis əməkdaşları tərəfindən həbs edilib.

İstintaqa ifadə verən Rövşən Qarayev törətdiyi cinayəti etiraf edib. O, bildirib ki, ehtiyac üzündən cinayətə əl atıb. Onun sözlərinə görə, oğurluq etdiyi pulla bir müddət əvvəl məhkəmə tərəfindən kəsilmiş pul cəriməsini ödəyəcəkmiş.

Faktla bağlı cinayət işi başlanıb.

Hacı Zeynalov