Piyadanı vuran sürücü hadisə yerindən qaçdı

Bakının Xətai rayonunda piyadanın vurulması ilə nəticələnən yol nəqliyyat hadisəsi baş verib.

Bu barədə Teleqraf.com-a Xətai rayon Polis İdarəsindən məlumat verilib.

Məlumata görə, hadisə rayonun Y.Səfərov küçəsində qeydə alınıb. Müəyyən edilməmiş avtomobillə yolu keçən Bakı şəhər sakini Nadir Nəbiyev vurulub. Piyadanı vuran sürücü hadisə yerindən qaçıb. Piyada xəstəxanaya yerləşdirilib.

Hazırda polis əməkdaşları tərəfindən piyadanı vuran sürücünün müəyyən edilməsi üçün əməliyyat-axtarış tədbirləri aparılır.

Hacı Zeynalov