Bakıda axtarışda olan şəxsin cinayətləri açıqlandı

Bakının Nərimanov rayonunda axtarışda olan şəxsin tutulması üçün əməliyyat keçirilib.

Teleqraf.com xəbər verir ki, Nərimanov rayon Polis İdarəsinin 16-cı polis bölməsi əməkdaşlarının keçirdikləri əməliyyat tədbirləri nəticəsində C.Şamiyevə və B.Əsədova qarşı dələduzluq etməkdə şübhəli bilinən T.İsmayılov tutulub.

Ətrafında aparılan tədbirlərlə onun rayon ərazisində “Great Wall” markalı bir avtomobildən 829 manat pul və mobil telefon oğurlaması, həmçinin Cinayət Məcəlləsinin 177-ci (oğurluq) maddəsi ilə axtarışda olması da müəyyən edilib.