Goranboyda baş verən qəzada 1 nəfər ölüb, 1 nəfər yaralandı

Goranboy rayonunda ölümlə nəticələnən yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Rəhimli kəndində qeydə alınıb. Rayon sakini Bəxtiyar Eyvazov idarə etdiyi “Renault” markalı avtomobili yolun kənarındakı ağaca vurub. B.Eyvazovun sərnişini - Bakı şəhər sakini Roman Məmmədov hadisə yerində ölüb, özü isə xəstəxanaya yerləşdirilib.

Faktla bağlı araşdırma aparılır.

Hacı Zeynalov