3 Oktyabr 2014 12:13
593

Bakının Xətai rayonunda piyadanın ölümü ilə nəticələnən yol nəqliyyat hadisəsi baş verib.

Bu barədə Teleqraf.com-a Xətai rayon Polis İdarəsindən məlumat verilib.

Məlumata görə, hadisə rayonun Nobel prospektində qeydə alınıb. Bakı şəhər sakini Anar Həsənovun idarə etdiyi “Honda” markalı avtomobillə yolu keçmək istəyən 1984-cü il təvəllüdlü Ağasif İsmayılov və 1991-ci il təvəllüdlü Təhminə Mustafayevanı vurub.

Təhminə Mustafayeva hadisə yerində ölüb. Ağasif İsmayılov ağır xəsarətlə xəstəxanaya yerləşdirilib. Onun vəziyyətinin ağır olduğu bildirilir.

Faktla bağlı cinayət işi başlanıb.

Hacı Zeynalov


Müəllif: