Polis 5 rayonda əməliyyat keçirdi: Həbs olunanlar var

Tərtər rayon polis şöbəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Goranboy rayon sakini E.Əzizov saxlanılıb.

Teleqraf.com xəbər verir ki, şəxsi axtarış zamanı ondan marixuana aşkar edilib.

Davam etdirilən tədbirlərlə ona narkotik vasitəni satmaqda şübhəli bilinən Gəncə şəhər sakini R.Talıbov da müəyyən edilərək saxlanılmışdır. Şəxsi axtarış zamanı ondan 2 kiloqram marixuana aşkar edilərək götürülüb.

Bundan başqa, Xaçmaz rayon polis şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində əvvəllər məhkum olunmuş Ş.Quliyevin Müşkür kəndi ərazisindəki həyətyanı sahəsindən kultivasiya yolu ilə yetişdirilmiş 41 ədəd çətənə kolu aşkar edilib.

Yevlax rayonunda da əməliyyat keçirilib.

Yevlax rayon polis şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Xaldan kəndində yaşayan R.Əhmədovun həyətyanı sahəsindən kultivasiya yolu ilə yetişdirilmiş 45 ədəd çətənə kolu aşkar edilərək götürülüb.

Daha bir əməliyyat Zərdab rayonunda keçirilib.

Zərdab rayon polis şöbəsi əməkdaşları tərəfindən Bıçaqçı kəndi ərazisində yabanı halda bitmiş, çəkisi 1 tondan artıq olan 2830 ədəd çətənə kolu aşkar edilərək məhv edilib.

Kürdəmir rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində Dəyirmanlı kəndində yaşayan S.Mazakovun evindən müvafiq sənədləri olmayan “Tula” markalı ov tüfəngi və 24 ədəd patron aşkar edilərək götürülüb.