Gəncədə əməliyyat: Həbs olunan var

Gəncə şəhərində narkotiklərlə bağlı əməliyyat keçirilib.

Teleqraf.com xəbər verir ki, Gəncə şəhər Baş Polis İdarəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində F.Məmmədov həbs edilib.

Onun Kəpəz rayonu ərazisindəki evinin həyətyanı sahəsindən kultivasiya yolu ilə yetişdirilmiş 52 ədəd çətənə kolu, evindən isə 4 kiloqram 830 qram marixuana aşkar edilərək götürülüb.