Axtarışda olanlar tutuldu

Bakıda axtarışda olan şəxslər həbs edilib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Xəzər rayon Polis İdarəsi cinayət-axtarış şöbəsinin əməkdaşlarının keçirdikləri əməliyyat-axtarış tədbirləri nəticəsində 1958-ci il təvəllüdlü Şadxəbər Lələyeva tutulub. O, Cinayət Məcəlləsinin 178-ci (dələduzluq) maddəsi ilə axtarışda olub.

Nərimanov rayon Polis İdarəsi Cinayət Axtarış Şöbəsi və 16-cı polis bölməsi əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 178-ci (dələduzluq) maddəsi ilə axtarışda olan 1981-ci il təvəllüdlü Tahib Məhərrəmov tutulub. 18-ci polis bölməsi əməkdaşlarının keçirdikləri əməliyyat-axtarış tədbirləri nəticəsində1975-ci il təvəllüdlü Natiq Vahabov tutulub. O, Cinayət Məcəlləsinin 185-ci (əmlakı məhv etmə) maddəsi ilə axtarışda olub.

Hacı Zeynalov