Qadını vuran sürücü hadisə yerindən qaçdı

Bakının Suraxanı rayonunda ağır yol nəqliyyat hadisəsi baş verib.

Bu barədə Teleqraf.com-a Suraxanı rayon Polis İdarəsindən məlumat verilib.

Məlumata görə, hadisə rayonunun Hövsan qəsəbəsində qeydə alınıb. Qəsəbə müəyyən olunmayan avtomobillə yolu keçən piyada 32 yaşlı Vəfa Rzayevanı vurub. Sürücü dərhal hadisə yerindən qaçıb.
Vəfa Rzayeva hadisə şahidlərinin köməkliyi ilə 3 saylı Sabunçu şəhər Xəstəxanasına çatdırılıb. Vaxtında tibbi yardım göstərildiyi üçün onun həyatını xilas etmək mümkün olub.

Polis əməkdaşları tərəfindən yol qəzasını törədən sürücünün müəyyən edilərək məsuliyyətə cəlb edilməsi üçün əməliyyat tədbirləri keçirilir.

Hacı Zeynalov