Daha bir təyyarə qəzaya uğradı

Boliviya Hərbi Hava Qüvvələrinə aid təyyarə Santa-Krus şəhəri ətrafında qəzaya uğrayıb. Teleqraf.comun verdiyi xəbərə görə, hadisə nəticəsində 2 nəfər həlak olub. Ekipaj üzvləri polkovnik və leytenant yerindəcə həyatlarını itiriblər.

Hadisə hərbi təyinatlı “Tiluchi FAB-542” təyyarəsinin HHQ-nin yubileyi üçün təlim xarakterli uçuşdan sonra Santa-Kruz hava limanına eniş etməsi zamanı baş verib.

Hökümət qüvvələri qəzanın səbəbləri barədə dəqiq məlumat verməsə də, şahidlərin fikrincə, faciəli olaya səbəb təyyarənin mühərrikindəki nasazlıq olub.