Bakıda mənzildən külli miqdarda pul oğurlandı

Bakının Sabunçu rayonunda mənzildən külli miqdarda pul oğurlanıb. Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, avqustun 30-dan oktyabrın 16-dək olan müddətdə Maştağa qəsəbəsi Xanlar yeni yaşayış sahəsində yaşayan Gülçöhrə Tapçiyevanın evindən pəncərənin dəmir barmaqlığını sındırmaqla 6 min manat, 1215 ABŞ dolları və ev əşyaları oğurlanıb.

Daxili İşlər Nazirliyi Baş Cinayət Axtarış İdarəsi, Abşeron Rayon Polis Şöbəsi və Sabunçu Rayon Polis İdarəsinin 14-cü Polis Bölməsinin əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Bakı şəhər sakini, 1986-cı il təvəllüdlü Ramin Məmmədov tutulub.

Hacı Zeynalov