Bazarda oğurluq edən şəxslər tutuldu

Ağcabədi rayonunda oğurluq edən oğurluq edən iki nəfər həbs edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Ağcabədi rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində oktyabrın 19-da rayonun mal-qara satışı bazarında Avşar kənd sakini Eldar Şükürovun pulunu açıq talama yolu ilə almağa cəhd göstərmiş Yevlax şəhər sakini Vidadi Həsənov və Gəncə şəhər sakini Eyvaz Abdullayev tutulublar.

Avşar kənd sakini Rəşad Kərimov da rayon Polis Şöbəsinə müraciət edərək cari il mart ayında cibindən 800 manatının Eyvaz Abdullayev və Vidadı Həsənov tərəfindən oğurlanılmasını bildirib.

Faktla bağlı Ağcabədi rayon Polis Şöbəsi tərəfindən araşdırma aparılır.

Hacı Zeynalov