Bakıda baş verən zəncirvari qəzada 3 nəfər yaralandı

Bakının Sabunçu rayonunda ölümlə nəticələnən yol nəqliyyat hadisəsi baş verib.

Sabunçu rayon Polis İdarəsindən Teleqraf.com-a verilən məlumata görə, hadisə Zabrat-Maştağa yolunda qeydə alınıb.

“VAZ 2107” markalı maşın qarşıda dayanan başqa bir eyni markalı nəqliyyat vasitəsinə arxadan çırpılıb. Bundan sonra qarşı yola çıxan “Jiquli” əks istiqamətlə gələn “Hyundai”la toqquşub.

Qəza zamanı “Hyundai”ın sürücüsü Səddam Mollazadə və “VAZ 2107”in sürücüsü Namiq Mikayılov, həmçinin onun avtomobilində olan sərnişin Natiq Hüseynov xəsarət alıblar. Hər üç yaralı ağır vəziyyətdə 3 saylı şəhər xəstəxanasına çatdırılıb.

Faktla bağlı cinayət işi başlanıb.

Hacı Zeynalov