Bakı polisi itkin düşən 5 nəfəri tapdı

Bakıda itkin düşən şəxslər polis əməkdaşları tərəfindən tapılaraq evlərinə qaytarılmaları təmin edilib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Sabunçu rayonunda İbrahim Hüseynov evdən çıxıb və bir daha geri qayıtmayıb. Onun ailə üzvləri Sabunçu rayon Polis İdarəsinin 15-ci polis bölməsinə müraciət ediblər. Müraciət əsasında bölmə əməkdaşlarının keçirdiyi əməliyyat-axtarış tədbirləri nəticəsində İbrahim Hüseynov tapılaraq evinə qayıtması təmin edilib.

Bundan başqa, Nəsimi rayon Polis İdarəsinin 20-ci polis bölməsi əməkdaşlarının keçirdiyi əməliyyat-axtarış tədbirləri nəticəsində itkin düşmüş Güllü Ələkbərova, Yasamal rayon Polis İdarəsinin 26-cı polis bölməsi əməkdaşlarının keçirdiyi əməliyyat-axtarış tədbirləri nəticəsində itkin düşmüş Elçin Misirov, Xətai rayon Polis İdarəsinin 36-cı polis bölməsi əməkdaşlarının keçirdiyi əməliyyat-axtarış tədbirləri nəticəsində, itkin düşmüş Ramil Babayev evlərinə qayıdıblar.

Hacı Zeynalov