Gəncədə qardaş bacısını bıçaqladı

Gəncə şəhərində 3 gün əvvəl baş verən bıçaqlanma hadisəsinin bəzi təfərrüatları ortaya çıxıb.

Teleqraf.com xəbər verir ki, yanvarın 29-da şadlıq saraylarının birinin yaxınlığında xəsarət alan, Şəmkir rayon sakini, 1971-ci il təvəllüdlü P.Hüseynovanın qardaşı, 1961-ci il təvəllüdlü M.Hüseynov tərəfindən bıçaqlandığı məlum olub.

Hadisənin ailə münaqişəsi zəminində baş verdiyi bildirilir.

Artıq M.Hüseynov şübhəli şəxs qismində saxlanılıb. Bıçaq xəsarəti alan qadının müalicəsi isə davam etdirilir.

Faktla bağlı araşdırma aparılır.