Bakıda baş verən qəzada sürücü öldü

Bakının Sabunçu rayonunda ölümlə nətivənən yol nəqliyyat hadisəsi baş verib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, hadisə Maştağa qəsəbəsi ərazisində qeydə alınıb. Qəsəbə ərazisində Zəngilan rayon sakini 1979-cu il təvəllüdlü Elşən Quluyev idarə etdiyi “Mitsubishi” markalı avtomobili yol kənarındakı ağaca vurub. Sürücü aldığı xəsarətdən hadisə yerindəcə ölüb.

Faktla bağlı Sabunçu rayon Polis İdarəsi 14-cü polis bölməsi tərəfindən araşdırma aparılır.

Hacı Zeynalov