Qəbələdə 23 yaşlı gəlini öldürən qadın saxlanıldı - Yeniləndi

Qəbələ rayonunda qətl hadisəsi törədən şəxs tutulub.

DİN-in Mətbuat Xidmətinin Şəki regional qrupundan Teleqraf.com-a bildirilib ki, Qəbələ rayonunda Aytac Əliyevanın qətlə yetirilməsi ilə əlaqədar rayon prokurorluğunun və polis şöbəsinin əməkdaşları tərəfindən təxirəsalınmaz istintaq-əməliyyat tədbirləri həyata keçirilib.

Nəticədə qətli törətməkdə şübhəli bilinən bir nəfər qadın saxlanılıb.

Faktla bağlı rayon prokurorluğunda cinayət işi başlanılıb, hazırda istintaq və əməliyyat-axtarış tədbirləri davam etdirilir.

14:40

Qəbələ rayonunda gənc qadının hissələrə ayrılmış meyiti tapılıb.

Teleqraf.com Report-a istinadən xəbər verir ki, dünən axşam saatlarında şəhər ərazisində məişət tullantılarının atıldığı qutudan qadın əli tapılıb.

Daha sonra qutularda sellofan torbalara yığılaraq atılmış meyitin digər hissələri aşkarlanıb.

Hazırda hüquq-mühafizə orqanları tərəfindən araşdırmalar aparılır.