Şabranda silsilə oğurluq edənlər tutuldu

Şabran rayonunda silsilə qoyun oğurluğu ilə məşğul olan dəstənin üzvləri zərərsizləşdirilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Şabran rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində noyabrın 15-də Şirin Müseyibovun həyətindən 4 baş qoyun oğurlamış Sumqayıt şəhər sakinləri - Ramil Səmədov, Vüsal Məmmədov, əvvəllər məhkum olunmuşlar Elxan Şahbazov və Mehman Məmmədov tutulublar.

Ətraflarında aparılmış əməliyyat tədbirləri ilə onların noyabrın 15-də Seyidpəri Əlməmmədovanın həyətindən 4 baş qoyun, habelə oktyabr-noyabr ayları ərzində Şabran rayon sakinləri Feyruz Ağayevin 2 baş, Müseyib Əliyevin 2 baş və Tofiq Musayevin 4 baş qoyununu oğurlamaları da müəyyən edilib.

Hacı Zeynalov