Bakı sakini bıçaqlandı

Bakının Binəqədi rayonunda bıçaqlanma hadisəsi baş verib.

Bu barədə Teleqraf.com-a Binəqədi rayon Polis İdarəsindən məlumat verilib.

Məlumata görə, hadisə rayonun Müşviq qəsəbəsində qeydə alınıb. Qəsəbə sakini Faiq Mirzəyev naməlum şəraitdə bıçaqlanıb. O, bıçaq xəsarəti ilə xəstəxanaya yerləşdirilib. Vaxtında tibbi yardım göstərildiyi üçün onun həyatını xilas etmək mümkün olub.

Hadisəni törədən şəxslərin müəyyən edilərək tutulması üçün əməliyyat-axtarış tədbirləri həyata keçirilir.

Faktla bağlı cinayət işi başlanıb.

Hacı Zeynalov