"Rusiya Suriyanı dəstəkləyir"

Rusiya Bəşər Əsədə rəsmən dəstək verəcəyini açıqlayıb. "Rusiya terrorizmlə mübarizədə Suriyaya köməyini göstərməyə davam edəcək" - deyə, Lavrov qeyd edib.

Teleqraf.com-un məlumatına görə, Rusiya xarici işlər naziri Serqey Lavrov Moskvanın terrorizmlə mübarizədə Suriyaya dəstək göstərəcəyini bildirib.

Həmçinin o əlavə edib ki, terrorçuluğa qarşı ABŞ başçılıq etdiyi koalisiyanın hərəkətləri beynəlxalq normalara ziddir.

Bundan başqa, nazir Suriyada münaqişənin sülh nizamlanması yolunun axtarışına qayıdış üçün fikrini bildirib.

Daha əvvəl Lavrov bildirib ki, Yaxın Şərqdə terrorizmlə mübarizə dünyanın əsas prioriteti olmalıdır.