10 May 14:01
1 169

Bakının Qaradağ rayonunda 1986-cı il təvəllüdlü Namil yetkinlik yaşına çatmayan oğlu Cəlilə (adlar şərti verilib – red.) qarşı seksual xarakterli hərəkətlər edib.

Teleqraf.com hadisənin təfərrüatını əldə edib.

İstintaq sənədlərinə görə, Namil 2019-cu ilin əvvəllərindən 2021-ci ilin sentyabrın sonunadək olan müddət ərzində 2010-cu il təvəllüdlü oğlu Cəlilə qarşı seksual xarakterli hərəkətlər edib. Ona intim yerlərini masaj etdirib, qeyri-təbii yolla cinsi əlaqədə olub.

İstintaq orqanı tərəfindən Namilin barəsində Cinayət Məcəlləsinin 150.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində seksual xarakterli zorakılıq hərəkətləri törətmək) maddəsi ilə ittiham elan edilib.

“Kişilərlə cinsi əlaqədə olmuşam”

Bu cinayət işi baxılması üçün Bakı Ağır Cinayətlər Məhkəməsinə göndərilib. İş araşdırılması üçün hakim Səbuhi Hüseynovun sədrliyi ilə araşdırılıb.

Məhkəmədə təqsirləndirilən şəxs qismində ifadə verən Namil ona elan olunmuş ittiham üzrə özünü təqsirli bilməyib. O bildirib ki, Qaradağ rayonu, Sahil qəsəbəsində arvadı Vəfa və 3 azyaşlı uşaqları, böyük oğlu 2010-cu il təvəllüdlü Cəlil, 2011-ci il təvəllüdlü Samir və qızı, 2021-ci il təvəllüdlü Şeyda ilə birlikdə yaşayıb: “Özüm heç bir yerdə işləməmişəm. Əvvəllər Sahil qəsəbəsi ərazisində yerləşən metaləritmə zavodunda qaynaqçı olmuşam. 2021-ci ilin avqustunda işdən çıxmışam.

Bir neçə dəfə kişilərlə qarşılıqlı şəkildə cinsi əlaqədə olmuşam. Həmin şəxslərlə internet vasiləsi ilə tanış olaraq görüşmüşəm. Onların anket məlumatlarını bilməmişəm. Tez-tez spirtli içki qəbul etmişəm”.

“Arvadıma başqa kişi ilə cinsi əlaqədə olmağı təklif etdim”

Təqsirləndirilən şəxsin sözlərinə görə, arvadı Vəfa onun kişilərlə cinsi əlaqədə oduğunu bilib:

“Vəfaya sərxoş vəziyyətdə evə başqa bir kişi dəvət edib, üçümüz birlikdə cinsi əlaqədə olmağı təklif etdim. Vəfa əvvəlcə buna razılıq verdi. Lakin sonradan etiraz etdi. Buna görə də üç nəfərlə cinsi əlaqəmiz baş tutmadı. Evimdə olan qara rəngli parçadan bir hissəsi bel kəməri, digər hissəsi isə uzunsov şəkildə rezin materiala bərkidilmiş əşyanı cinsi əlaqədə olmaq üçün özüm düzəltmişəm.

Təxminən il yarım, iki il bundan əvvəl bir neçə dəfə Vəfa ilə cinsi əlaqədə olarkən həmin əşyanı belimə bərkidib, arxa keçəcəyimə salıb. Bunu özüm Vəfadan xahiş etmişdim. Sonradan isə həmin əşyadan bir daha istifadə etməmişəm. Həmin əşyanı başqa şəxslərlə cinsi əlaqədə olarkən istifadə etməmişəm”.

“Mənə böhtan atırlar”

Namil qeyd edib ki, ona qarşı irəli sürülmüş ittiham böhtandır: “2019-2020-ci illərdə ümumiyyətlə Azərbaycan Respublikasında olmamışam. Oğluma qarşı hər hansı seksual xarakterli hərəkətlər etməmişəm. Oğlumun hansı səbəbə məni ittiham etdiyini bilmirəm. İbtidai istintaq dövründə mənə hədə-qorxu gəldikləri və təzyiq altında olduğum üçün mənə qarşı irəli sürülmüş ittihamı qəbul etmişəm.

Evimdə cinsi ehtirasımı təmin etmək üçün rezin alət olub. Rezin alət mənə məxsus olub və oğluma qarşı istifadə etməmişəm. Telefonuma pornoqrafik videomaterialları və şəkillərı arvadımla cinsi əlaqədə olarkən baxmaq üçün yazmışam. Mənə ibtidai istintaq dövründə psixoloji təsir göstərilib”.

Təqsirləndirilən şəxs deyib ki, 2021-ci ilin avqustundan heç bir yerdə işləməyib: “Qayınanam və qayınatam mənə qarşı qərəzli olduqları üçün bu cür böhtan atıb, barəmdə şikayət ediblər”.

“Oğlum məni masaj etdi”

Məhkəmə araşdırması zamanı Namilin ibtidai istintaq zamanı verdiyi ifadəsi də tədqiq olunub. O, həmin ifadəsində göstərib ki, əvvəllər məhkum olunmayıb: “Sahil qəsəbəsi ərazisində yerləşən metaləritmə zavodunda qaynaqçı işləmişəm. 2021-ci ilin avqust ayında işdən çıxmışam.

2019-cu ilin yay aylarında səhər saatlarında iş yerindən çıxdım və Asfalt zavoddan yaşadığım evə gəldim. Həmin vaxt evdə Cəlil və Samir olublar. Samir evdən çölə oynamağa getdi. Cəlillə evdə tək qaldım. Səhər 5 bokal pivə və 1 dəmir qabda “GO” spirtli içki qəbul etdiyim üçün sərxoş idim. Cəlil əvvəllər məni masaj eləyirdi. Bu dəfə də Cəlili masaj etməyə çağırdım. Evdəki şkafdan “Jonsons Baby” uşaq dəri yağını götürdü, yanıma gəldi.

Mən soyunduqdan sonra alt paltarım əynimdə olmaqla ayaqdan başa kimi məni masaj elməyə başladı. Cəlil masaj etdiyi zaman ehtirasa gəldim. Bu səbəbdən beli üstə çevrildim və alt paltarımı da soyundum. Bu zaman Cəlil sinə hissəmi, habelə aşağı hissələrimi masaj etməyə başladı. Daha sonra biz qucaqlaşdıq. Cəlil ilə qeyri-təbii yolla cinsi əlaqədə olmaq istədim.

Oğlumla cinsi əlaqədə olanda ağrı hiss etdi və məndən etməməyimi xahiş etdi. Ehtiraslandığım üçün həmin yolla cinsi əlaqədə olmaq istəsəm də, oğlumun xahişinə etiraz etmədim”.

“Cinsi əlaqədə olmağa başladıq”

Təqsirləndirilən şəxsin ifadəsinə görə, həmin vaxt Cəlili zorlamayıb, hədə-qorxu gəlməyib və heç nəyə məcbur etməyib: “Sadəcə Cəlilin öz razılığı ilə bu hərəkətləri etmişəm. Həmin hadisədən təxminən 3-4 ay keçdikdən sonra 2019-cu ilin sentyabrın sonlarında yenə səhər 10.30-da işdən evə gəldim, araq içdim. Bu dəfə Cəlil evdə tək idi.

Yenə də Cəlildən məni masaj etməyini xahiş etdim. Həmin ərəfələrdə Cəlil məni bir neçə dəfə də masaj edib, lakin intim olmayıb. Bu dəfə də Cəlil uşaq dəri yağını götürərək yanıma gəldi, məni masaj etməyə başladı. Cəlilin paltarı yağa batmasın deyə soyunmağı bildirdim. Cəlil də tam soyunaraq lüt vəziyyətdə masajı davam etdirdi. Mən də ehtiraslandıqdan sonra ağzıüstə uzandım. Cəlil isə üstümə uzandı. Biz qeyri-təbii yolla cinsi əlaqədə olmağa başladıq...”

“Vicdan əzabı çəkmişəm”

Namil ifadəsində göstərib ki, bir dəfə də 2020-ci ilin martın sonlarında günorta saatlarında yaşadığı evdə olub: “Həmin vaxt spirtli içki qəbul etmədim. Yenə də Cəlilə masaj etməsini xahiş etdim. Cəlil də etiraz etmədi, məni masaj etdi. Masaj edəndən sonra Cəlil çölə çıxmaq istədiyini bildirdi. Etiraz etmədim, Cəlil çölə çıxdı.

Bir dəfə də 2020-ci ilin iyun ayının əvvələrində işdən səhər saatlarında evə gəldim. Yenə də Cəlil məni masaj etdi, sonra getdi”.

Namil bildirib ki, şübhəli şəxs qismində dindirilərkən oğlu Cəlilə qarşı etdiyi seksual xarakterli zorakılıq hərəkətlərinin hamısını danışmayıb: “Bunu utandığımdan və vicdan əzabı çəkdiyimdən demişəm. Lakin keçirilmiş üzləşdirmə zamanı Cəlilin bütün dediklərini təsdiqləmişəm və bildirmişəm ki, yaşadığım evdə oğlumun köməksiz vəziyyətindən istifadə edib, dəfələrlə dodaq-dodağa öpüşmüşük, ona qarşı iyrənc hərəkətlər etmişəm. Sadəcə hansı tarixlərdə, neçə dəfə, hansını nə vaxt etdiyimi xatırlamamışam. Xatırladıqlarımı ətraflı ifadəmdə göstərmişəm”.

Namil qeyd edib ki, onun kişi cinsi ilə cinsi əlaqəyə girməyə meyli olub, dəfələrlə başqa-başqa kişilərlə qarşılıqlı olaraq qeyri-təbii yolla cinsi əlaqədə olub, digər iyrənc seksual hərəkətlər ediblər.

“Soyunmaq istəmədim”

Cinayət işi üzrə zərərçəkmiş şəxs qismində ifadə verən Cəlilin sözlərinə görə, hazırda orta məktəbin 6-ci sinif şagirdidir: “2019-cu ilin təxminən iyun ayının əvvəllərində 9 yaşım olanda hansısa bir gün səhər saatlarında atam işə getmədi. Anam isə balaca qardaşımla evdən çıxdı. Anam bizi məktəbə aparmalı, özü isə işə getməli idi.

Həmin gün dərslərinə hazırlaşmadığım üçün anamdan dərsə getməmək üçün icazə aldım. Anam da etiraz etmədi. Bundan sonra atam ilə evdə ikimiz qaldıq. Evdə olarkən atam çarpayıda uzanmışdı. Mənim də yanında uzanmağımı təklif etdi. Atamın sözünə əsasən onun yanında uzandım. Bir qədər sonra atam isti olduğunu bildirdi və əynində olan paltarlarımı soyunmağımı dedi. Mən də isti olmadığını, ona görə də soyunmaq istəmədiyimi bildirdim”.

“Atamın belini bir qədər masaj etdim”

Cəlil qeyd edib ki, üstündən 5-10 dəqiqə keçdikdən sonra atası bir daha isti olduğunu bəhanə gətirib, ona soyunmağını təklif edib: “Bu dəfə atama etiraz etmədim və əynimdə olan uzunqol idman köynəyini çıxartdım. Bu zaman atam şalvarımı da çıxartmağımı istədi. Şalvarımı da çıxararaq yenidən atamın yanında uzandım.

Atam belinin ağrıdığını, evdəki şkafdan “Johnsons Baby” yağını götürüərək həmin yağla belini masaj etməyimi tapşırdı. Yağı şkafdan götürdüm, atama yaxınlaşdım və belini masaj etməyə başladım. Həmin vaxt atam tam lüt vəziyyətdə qarnıüstə uzanmışdı. Atamın belini bir qədər masaj etdim. Sonra bir az aşağı arxa yanaqlar hissəyə düşməyimi bildirdi. Atamın yanaqlarını masaj etməyə başladım (azyaşlı ifadəsinin bu hissəsində Namilin ona əxlaqsız hərəkətlər etməsini çılpaqlığı ilə danışıb. Bu səbəbdən ifadənin həmin hissəsini təqdim etmirik – red.)”.

“Atam ağladığımı gördü və məndən əl çəkdi”

Azyaşlı daha sonra ifadəsində göstərib ki, atası intim hərəkətlər edəndən sonra ciddi şəkildə bu barədə heç kimə deməməyi tapşırıb: “Dedi ki, anan bu hadisəni bilsə ikimizi də öldürəcək. Mən də qorxduğum üçün heç kimə dəməyəcəyimə söz verdim. Bunun üstündən təxminən 2 gün keçdikdən sonra günorta məktəbdən evə qayıtdım. Həmin vaxt anam iş yerində, qardaşım qonşuluqda yaşayan nənəmgildə, atamla ikimiz isə evdə idik.

Bu dəfə də atam evin qapısını qıfilladı, mənə soyunmağımı bildirdi və yanına çağırdı. Bu dəfə heç bir masaj olmadan mənimlə öpüşməyə başladı. Sonra məni çarpayının üstünə üzüüstə uzatdı və qeyri-təbii yolla mənimlə cinsi əlaqədə oldu. Atam ağladığımı gördü və məndən əl çəkdi”.

“Nənəmin yanında “səni bir sözlə məhv edərəm” dedim”

Cəlil ifadəsində atası tərəfindən dəfələrlə cinsi zorakılığa məruz qalmasını ifadəsində geniş təfərrüatı ilə danışıb. O qeyd edib ki, hətta arabir ona pozğun videolar göstərib, oradakı kimi etməyi təklif edib: “Atam mənə həmin videoları göstərəndə anam haqqında iyrənc ifadələr işlədirdi. Elə sözlər deyirdi ki, özüm-özüm nifrət edirdim. Atamın anam haqqında dediyi sözlər, mənə qarşı etdiyi bu hərəkətlərdən əziyyət çəkirdim. Atamın mənə qarşı etdiyi bu hərəkətlərdən əsəblərim pozuldu. Yaşadığım evə gəlmək istəmirdim.

Yalnız atamın “maman bilsə, hər ikimizi oldürəcək” sözləri məni qorxuya salırdı. Həmin səbəbdən qorxaraq başıma gələnlər barədə heç kimə danışmamışam. Qorxdum ki, anam, nənəm və digər yaxın qohumlarımız bunları bildikləri halda məni evdən qovacaqlar. Dəfələrlə olub ki, atamın əlindən evə gəlmək istəməmişəm, qonşuluqda yaşayan nənəmin evinə getmişəm. Buna baxmayaraq atam oraya gələrək evə gəlməyimi tələb edib. Evə gələməyən də isə atam məni döyüb, deyib ki, sənin arxanca düşməyə məcbur olmamalıyam.

Bir dəfə atam qardaşımı vuranda əsəbləşdim. Ona nənəmin yanında “səni bir sözlə məhv edərəm” dedim. Bunu eşidən nənəm nəyə görə belə söz dediyini məndən sorğu-sual etməyə başladı. Mən isə utandığımdan nənəmə heç bir söz demək istəmədim. Buna baxmayaraq nənəm israrla deməyimi məcbur etməyə başladı. Nənəmin bu qədər xahişlərindən sonra qardaşıma deyəcəyimi bildirdim.

Nənəm də razılaşdıqdan sonra qardaşımı bir kənara çəkdim, bütün hadisələri deyil, lakin üstüörtülü şəkildə atamın hərəkətlərini dedim. Samir də bunu tez nənəmə danışdı. Bundan sonra bu hadisələrin üstü açılmağa başladı.

Daha sonra anam məni sorğu-sual etməyə başladı. Atamın mənə qarşı etdiyi bütün seksual xarakterli zorakı hərəkətləri barədə anama danışdım. Anam bir neçə gün mənə inana bilmədi. Lakin sonradan inanmağa başladı. Nənəm bu barədə polis orqanına müraciət etdi”.

“Ağılsızlığımdan onu bağışlamışam”

Cinayət işi üzrə zərərçəkmiş Cəlilin qanuni nümayəndəsi və anası Vəfanın sözlərinə görə, öz anası ilə 100 metr aralıqda olan məsafədə ailəsi ilə birlikdə yaşayır: “Mütəmadi olaraq uşaqlarımla birlikdə anamın evinə gedib-gəlmişəm. Mən və Namil işdə olduğumuz müddətdə uşaqlara anam nəzarət edib.

Namillə yaşadığımız dövrdə təxminən 5 il əvvəl tez-tez spirtli içkilər qəbul edib. Bu səbəbdən aramızda sözlə mübahisələrimiz olub. Namilin alkoqol istifadə etməsi səbəbindən aramızda olan mübahisələr boşanmaya qədər də çıxıb. Lakin Namil mənə hər dəfə içməyəcəyinə söz verib. Mən də ağılsızlığımdan onu bağışlamışam”.

“Cinsi əlaqədə olmağını videoya çəkməyimi istədi”

Vəfa qeyd edib ki, Namil kişilərlə də cinsi əlaqədə olub: “Namilin kişilərə qarşı ehtirası olub. Bu barədə mənə deyib. Dəfələrlə evə kişi dəvət edib, mənimlə birlikdə üçümüzün cinsi əlaqədə olmağımızı təklif edib. Lakin Namilin bu cür sözlərinə əsəbləşərək etiraz etmişəm. Bu səbəblərdən aramızda soyuqluq yaranıb.

Namilin cinsi istəkləri çox qəribə, qeyri-adekvat olub. Cinsi əlaqə zamanı alçaldılmasını xoşlayırdı. Bunu etməyimi xahiş edirdi. Lakin Namilin dediklərini qəbul etmədiyim üçün etiraz etmişəm.

Dediklərini etmədiyimə görə aramızda mübahisələr də olub. Hətta Namil bir nəfər tanışı kişini evə dəvət edib, onunla cinsi əlaqadə olmağımı, özünün də həmin kişi ilə cinsi əlaqədə olmağını videoya çəkməyimi təklif etdi. Buna da etiraz etdim. Utandığımdan onun əməlləri barədə yaxın qohumlarım və ya başqa bir şəxsə deyə bilmədim”.

Vəfa ifadəsində oğlunun başına gələnləri öyrəndiyi günü şahidi olduqlarını danışıb. Eşitdiklərindən şoka düşən Vəfa baş verənlər barədə Qaradağ rayon Polis İdarəsinin 38-ci polis bölməsinə müraciət etdiyini də vurğulayıb.

Məhkəmədə Namilin oğluna qarşı etdiyi iyrənc əməlləri tam sübuta yetirilib. Ona 13 il müddətinə azadlıqdan məhrum etmə cəzası təyin olunub.

Namilin cəzasını ciddi rejimli müəssisədə çəkməsi müəyyən edilib.


Müəllif: Hacı Zeynalov