Yasamalda iki oğurluq cinayətinin üstü açıldı

Bakının Yasamal rayonunda baş verən oğurluq cinayətlərinin üstü açılıb.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Yasamal rayon Polis İdarəsinin 27-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini, 1991-ci il təvəllüdlü Ənvər Həsənov tutulub.
Ənvər Həsənov bu ilin iyulun 15-də M.Əliyev küçəsi Xədicə Tağıyevanın evindən qapını sındırmaqla 500 manat və qızıl-zinət əşyaları oğurlamaqda şübhəli bilinir.

Daha oğurluq cinayətinə Yasamal rayon Polis İdarəsinin 29-cu polis bölməsinin əməkdaşları aydınlıq gətirib. Polis əməkdaşlarının həyata keçirdikləri əməliyyat-axtarış tədbirləri nəticəsində, noyabrın 24-də X.Mustafayev küçəsində yaşayan 1945-ci il təvəllüdlü Gülzar İsmayılovanın evindən oğurluqda şübhəli bilinən oğlu, Ağcabədi rayon sakini 1979-cu il təvəllüdlü Elçin İsmayılov tutulub.

Hər iki faktla bağlı cinayət işi başlanıb.

Hacı Zeynalov