Qadınlara məxsus avtomobillərin şüşələrini sındıran kişi tutuldu

Bakının Nəsimi rayonunda avtomobilləri qarət edən şəxs həbs edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Nəsimi rayon Polis İdarəsinin 19-cu polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Kamal Mirəliyev tutulub.

Kamal Mirəliyev cari ilin noyabr ayı ərzində Bakı şəhər saskinləri R.Teymurova, İ.Qasımovaya, K.Bağırova, N.Qəşəmliyə məxsus avtomobillərdən pul və məişət əşyaları oğurlamış, A.Nağıyevə, C.Məmmədova, İ.Sultanova, A.Qasımova və Ə.Cavadova məxsus avtomobillərdən oğurluğa cəhd göstərib, habelə T.Nağıyevə, E.Əbilova, T.Kovalyovaya, Z.Sultanovaya, A.Əliyevaya, E.Məmmədova və E.Səfərzadəyə məxsus avtomobillərin şüşələrini sındıraraq əmlaklarını qəsdən məhv edib.

Hacı Zeynalov