Göygöldə dostlar arasında qan töküldü

Göygöl rayonunda bıçaqlanma hadisəsi törədən şəxs həbs edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə dekabrın 4-də Göygöl rayonunun Mollacəlilli kəndində qeydə alınıb. Kənd sakini İslam Kərimov münaqişə zəminində həmkəndlisi Natiq Həsənovu bıçaqlayıb.

Göygöl rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində İslam Kərimov tutulub. İslam Kərimov törətdiyi cinayəti etiraf edib. O, bildirib ki, Natiq Həsənovla dost olublar. Onun sözlərinə görə, dostu ilə arasında şəxsi münasibətlər zəminində mübahisə yaranıb.

Mübahisə sonda qanlı cinayətlə nəticələnib.

Faktla bağlı Göygöl rayon Polis Şöbəsinin istintaq bölməsində Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb. İstintaq hərəkətləri davam etdirilir.

Hacı Zeynalov