Qaradağda yol qəzası: 1 ölü, 6 yaralı

Bakının Qaradağ rayonunda ağır yol nəqliyyat hadisəsi baş verib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, hadisə dekabrın 6-da saat 19:50 radələrində, Lökbatan qəsəbəsi ərazisində qeydə alınıb. Abşeron rayon sakini, 1990-cı il təvəllüdlü Turqay İmanov idarə etdiyi “Changan” və Bakı şəhər sakini 1954-cü il təvəllüdlü Tahir Tapdıqovun idarə etdiyi VAZ-2104 markalı avtomobillər toqquşub.

Hadisə yerində T.Tapdıqovun sərnişini, Bakı şəhər sakini 1962-ci il təvəllüdlü Asif Mahmudov ölmüşdür. Sürücü və sərnişinləri 1961-ci il təvəllüdlü İzzətəli Baxışov, Ağsu rayon sakini, 1994-cü il təvəllüdlü Röyal Ümidov, habelə T.İmanov və sərnişinləri, Bakı şəhər sakinləri - 1988-ci il təvəllüdlü Vəfa Hüseynova, 1989-cu il təvəllüdlü Almurad Əhmədov və qardaşı 1985-ci il təvəllüdlü Səməd Əhmədov xəstəxanaya yerəşdirilib. T.Tapdıqov və T.İmanovun vəziyyəti orta ağır, digərlərinin vəziyyətləri qənaətbəxşdir.

Faktla bağlı araşdırma aparılır.

Hacı Zeynalov