Meyxanaçı Mehman qətlin səbəbindən danışdı: "Rəşadı bezdiriblər..."

Meyxanaçı Mehman Əhmədli həmkarı Rəşad Dağlının qonşusu İsgəndər Mehdiyev adlı şəxsi bıçaqlayaraq qətlə yetirməsindən danışıb.

Meyxanaçı Teleqraf.com-a hadisənin səbəbini açıqlayıb: "Rəşad Dağlıya bir neçə gün zəng edib, onu bezdiriblər. Qarşı tərəf etik normalara riayət etməyib, Rəşad Dağlı da onu bıçaqlayıb.

Gecə saatlarında ikisi təkbətək görüşüblər, söhbət alınmayıb. Rəşad Dağlı İsgəndər Mehdiyevə altı bıçaq zərbəsi vurub. Sonra özü hüquq-mühafizə orqanlarına təslim olub.

İsgəndər Mehdiyev meyxanaçı Ələkbər Yasamallının bibisi oğludur".