Qaradağda iki avtomobil toqquşdu: ölən var

Bakının Qaradağ rayonunda ölümlə nəticələnən yol nəqliyyat hadisəsi baş verib.

Bu barədə Teleqraf.com-a Qaradağ rayon Polis İdarəsindən məlumat verilib.

Məlumata görə, hadisə rayonun Sahil qəsəbəsində qeydə alınıb. Bakı şəhər sakini İsrayıl Mikayılov idarə etdiyi “Ford-Tranzit” markalı avtomobili qarşıda gedən Tovuz rayon sakini Azər Budaqovun idarə etdiyi “KamAZ” markalı avtomobilə vurub. Xəstəxanaya yerləşdirilmiş İsrayıl Mikayılov orada ölüb.

Faktla bağlı araşdırma aparılır.

Hacı Zeynalov