Sərxoş kişi qonşusunun avtomobilini oğurladı

Bakının Binəqədi rayonunda avtomobil oğurlanıb.

Bu barədə Teleqraf.com-a Binəqədi rayon Polis İdarəsindən məlumat verilib.

Məlumata görə, oğurluq hadisəsi dekabrın 14-nə keçən gecə baş verib. Binəqədi qəsəbəsindən qəsəbə sakini Rasim Rüstəmova məxsus “VAZ-2106” markalı avtomobil qaçırılıb.

Bakı Baş Polis İdarəsinin Dövlət Yol Polisi Şöbəsi əməkdaşlarının həyata keçirdikləri əməliyyat-axtarış tədbirləri nəticəsində avtomobili qaçırmış Bakı şəhər sakini İxtiyar Əliyev saxlanılıb. O, Binəqədi rayon Polis İdarəsinin 4-cü polis bölməsinə təhvil verilib. Onun sərxoş vəziyyətdə olması müəyyən edilib.

Faktla bağlı araşdırma aparılır.

Hacı Zeynalov