Bakıda qazıntı işləri zamanı qadın meyiti aşkarlandı

Bakıda qazıntı işləri aparılarkən torbaya bükülmüş qadın meyitinin qalıqları aşkarlanıb.

Teleqraf.com xəbər verir ki, bu barədə Baş Prokurorluğun Mətbuat Xidmətindən bildirilib.

Belə ki, dekabrın 19-u saat 13 radələrində Sabunçu rayonu, Bilgəh qəsəbəsi ərazisində “AzBadam” şirkətinə məxsus badam bağlarında traktorla qazıntı işləri aparılarkən 1 metr dərinlikdə sellofan torbaya bükülmüş vəziyyətdə şəxsiyyəti müəyyən edilməyən qadın cinsli çürümüş meyitin qalıqları aşkar edilib.

Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, müvafiq qaydada nümunalər götürülərək ekspertizaya təqdim edilib.

Faktla bağlı Sabunçu Rayon Prokurorluğunda araşdırma aparılır.