Metroda silsilə cinayətlər törədən həbs edildi

Bakı metrosunda cibgirliklə məşğul olan şəxs həbs edilib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Bakı şəhər Baş Polis İdarəsinin Metropolitendə Polis Şöbəsinin Cinayət Axtarış Qrupu əməkdaşlarının keçirdikləri əməliyyat-axtarış tədbirləri nəticəsində Sumqayıt şəhər sakini, 1977-ci il təvəllüdlü Cavid Hüseynov tutulub.

Cavid Hüseynov martın 4-də metronun “Neftçilər” stansiyasında Şəki rayon sakini Maral Əhmədovanın əl çantasından, mayın 3-də 100 saylı xətt avtobusunda Bakı şəhər sakini, Yusif Əliyevin, dekabrın 6-da metronun “Koroğlu” stansiyasında Bakı şəhər sakini, Tərlan Kərimovanın, dekabrın 8-də metronun 28 May stansiyasında Bakı şəhər sakini Həmid Rəhimlinin mobil telefonlarını ciblərindən oğurlmaqda şübhəli bilinir.

Şübhəli şəxs ətrafında keçirilən araşdırmalarla müəyyən olub ki, o, dekabrın 8-9 tarixlərində metronun “28 May” stansiyasında Bakı şəhər sakinləri - Şamil Mehdiyevin və Nərmin Mürsəlovanın da mobil telefonlarını oğurlayıb.

Hacı Zeynalov