Bakıda 8-ci sinif şagirdi özünü asdı - TƏFƏRRÜAT

Nicat Rzayevin intihar etməsinin yeni təfərrüatları üzə çıxıb. Belə ki, dekabrın 18-də idman dərsinə gələn Nicat Rzayev idman formasını gətirməyib. Həmin vaxt idamn müəllimi Nicatın özündən kiçik qardaşını çağırıb və Nicatın idman formasının gətirmədən dərsə gətirməsi barədə atasına deməsini tapşırıb. Yolda evə gələn Nicat qardaşına müəlliminin sözlərini atasına söyləməməsini deyib.

Amma Nicatın qardaşı müəllimin dediklərini atasına çatdırıb. İdman forması olmadan məktəbə gedən Nicat atası tərəfindən danlanıb. Hadisədən əvvəldə Nicat qardaşı ilə atasına xəbərçilik etməsi barədə mübahisə edib. Bundan sonra da intihara əl atıb.

11:07

Pirallahıda orta məktəb şagirdi özünü öldürüb.

Bu barədə Teleqraf.com-a Xəzər rayon Prokurorluğundan məlumat verilib.

Məlumata görə, 2000-ci il təvəllüdlü Nicat Əlibala oğlu Rzayev özünü yaşadığı evdə asaraq öldürüb. 14 yaşlı məktəblimim hansı səbəbdən intihar etdiyi məlum deyil.

231 saylı orta məktəbin 8-ci sinfi şagirdi olan Nicat Rzayevin özünə qəsd etməsinin bəzi səbəbləri məlum olub. Dekabrın 18-də dərsdən qayıdan Nicat özündən 2 yaş kiçik olan qardaşı ilə mübahisə edib. O, qardaşı ilə mübahisə edəndən iki saat sonra yoxa çıxıb. Valideynləri Nicatı axtarıb və həyətdəki yarımçıq tikilidə onun meyitini tapıblar.

Nicat Rzayev idmanla məşğul olurmuş.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.

Hacı Zeynalov