Mənzil satmaq adı ilə vətəndaşları aldadanlara hökm oxundu

Bu gün Bakı Ağır Cinayətlər Məhkəməsində dələduzluqda təqsirli bilinən Sədrulla Əliyev və Siyad Məmmədovun cinayət işi üzrə məhkəmə prosesi başa çatıb.

Teleqraf.com xəbər verir ki, hakim Şəkər Məmmədovanın sədrliyi ilə keçirilən prosesdə təqsirləndirilən şəxslərə hökm oxunub. Məhkəmənin hökmü ilə təqsirləndirlən şəxslərin hər biri 9 il 6 ay müddətinə azadlıqdan məhrum ediliblər.

Təqsirləndirilən şəxslər Cinayət Məcəlləsinin 178-ci (dələduzluq) maddəsi ilə ittiham edilirlər. Onlar paytaxtda mənzil tikinti kooperativi yaradaraq vətəndaşların pullarını alıblar. Onlar paytaxtda hündürmərtəbli binalar tikərək satmaq adı ilə vətəndaşları aldadılar.

Hacı Zeynalov