Yasamalda avtomobilləri talan edən tutuldu

Bakının Yasamal rayonunda avtomobillərdən oğurluq edən şəxs həbs edilib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Yasamal rayon 27-ci polis bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, 1974-cü il təvəllüdlü Abdulla Hüseynov tutulub.

Şübhəli şəxs ətrafında keçirilən ilkin əməliyyat-istintaq araşdırmaları ilə müəyyən olunub ki, Abdulla Hüseynov avqustun 2-də Bakıxanov küçəsində Ruslan Məmmədova məxsus “BMW” markalı avtomobildən şüşəni sındırmaqla içərisində 1000 manat, dekabrın 15-də Azərbaycan prospektində Rauf Babayevə məxsus “Prado” markalı avtomobildən 280 manat, dekabrın 20-də S.Salayev küçəsində Bakı şəhər sakini Arzu Qurbanovaya məxsus “Nissan” markalı avtomobildən 6392 manat, dekabrın 22-də İnşaatçılar prospektində Bakı şəhər sakini Ağababa Dadaşova məxsus “Ford” markalı avtomobildən içərisində 300 manat və şəxsi sənədlər olan əl çantalarını, pul kisələrini və mobil telefonları talayıb.

Hacı Zeynalov