Qusarda baş verən qəzada 2 nəfər öldü, 1 nəfər yaralandı

Qusar rayonunda ölümlə nəticələnən ağır yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə dekabrın 25-də, saat 21 radələrində rayonun Şirvanovka kəndində qeydə alınıb. Rayon sakinləri Kamil Mahmudovun idarə etdiyi “VAZ-21112” və Rəhman Məmmədovun idarə etdiyi “Opel” markalı avtomobillər toqquşub.

Kamil Mahmudov və sərnişini - həmkəndlisi Məhəmməd Alxasov hadisə yerində ölüb, Rəhman Məmmədov xəstəxanaya yerləşdirilib.

Faktla bağlı Qusar rayon Polis Şöbəsi tərəfindən araşdırma aparılır.

Hacı Zeynalov