Azyaşlı qızı qaçıran taksi sürücüsündən ETİRAFLAR

“Bu illər ərzində çox peşmanlıq keçirmişəm”

Bu gün prezidentin imzaladığı əfv sərəncamı ilə azadlığa buraxılanlar arasında Göyçаy rаyоnunun Bəydövül kənd sakini, 1983-cü il təvəllüdlü Anar Səlimov da var. O, cəza çəkdiyi 6 saylı Cəzaçəkmə Müəssisəsindən evinə buraxılıb.

Teleqraf.com xəbər verir ki, əfv bülletenini alan Anar Səlimov deyib ki, Lənkəran Ağır Cinayətlər Məhkəməsinin hökmü ilə 5 il müddətinə azadlıqdan məhrum edilib. Onun sözlərinə görə, qız qaçırma cinayətinə görə həbs edilib: “Biləsuvаr rаyоnunun Çаylı kənd sakini Ramin Quliyev və Masallı şəhər sakini Kəmalə Dadaşova ilə birlikdə Lənkəran Ağır Cinayətlər Məhkəməsində mühakimə olunduq”.

Qeyd edək ki, Ramin Quliyеv, Ziya Səlimоv, Kəmalə Dаdаşоvа qаbаqcаdаn əlbir оlаrаq yеtkinlik yаşınа çаtmаyаn 1994-cü il təvəllüdlü E.C.-nı oğurlamaq qərarına gəliblər. Onlar yetkinlik yaşına çatmayan qızı Ramin Quliyev ilə ailə qurması üçün qaçırıblar.

Rаzılаşdıqlаrı kimi Ramin Quliyеv və Ziya Səlimоv sоnuncunun idаrə еtdiyi VАZ-2106 mаrkаlı аvtоmоbillə 2012-ci ilin yаnvаrın 14-də, gecə sааt 02:00 rаdələrində Mаsаllı rаyоnunun Hаcıtəpə kəndinə gəliblər. Qrupun digər üzvü Kəmalə Dаdаşоvа qоnşusu Е.C.-nı аldаdаrаq еvin pəncərəsindən düşürərək küçəyə çıхаrıb.

Evlənmək istəyən oğlana adam oğurluğu ittihamı...

Küçədə оnlаrı gözləyən Ramin Quliyеv və Ziya Səlimоv E.C.-yə qarşı zorakılıq edərək onu maşına mindiriblər. Onlar qızı oğurlayaraq Biləsuvаr rаyоnunun Çаylı kəndinə gətiriblər. Bu hadisədən qızın valideyinləri xəbər tutub və polisə şikayət ediblər. Şikayət əsasında qrup üzvləri həbs edilib.

Bu əməlləri ilə təqsirləndirilən şəxslərin barəsində Cinayət Məcəlləsinin 144.3-cü (adam oğurluğu) maddəsi ilə cinayət işi başlanıb. Cinayət işinin materialları baxılması üçün Lənkəran Ağır Cinayətlər Məhkəməsinə göndərilib. Cinayət işinə hakim Rəşid Hüseynovun sədrliyi ilə baxılıb.

“Ramin “fikir vermə qızdır, həyəcanlıdır” dedi”

Ziya Səlimov isə deyir ki, 2012-ci ildə günahsız yerə mühakimə olunub və heç bir günahı olmadığı halda 2 il həbsxana həyatı yaşayıb. Ziya Səlimov bildirib ki, Ramin Quliyev və Vasif Ağalarovla Bakı şəhərində marşrut avtobusundə sürücü işləyərkən tanış olub, onlar eyni marşrutda işlyiblər: “Bizim işimiz növbəli olduğundan bir gün avtobusda işləmişəm, növbəti gün özümə məxsus VAZ 2106 markalı maşından taksi kimi istifadə etmişəm. Bu yolla çörək pulu qazanmışam. 13 yanvar 2012-ci il tarixdə Vasifin kirayədə qaldığı evdə olarkən Ramin də orada olub. Ramin məndən bir nəfər tanışını Masallı rayonundan Biləsuvar rayonuna aparmaq lazım olduğunu dedi. Biz gedib-gəlmək pulunu razılaşdırmışdıq. Buna görə də Masallıya getdik. Masallı rayonu Göytəpə Dövlət Yol Polisi postunu keçərkən Ramin istədiyi qızı razılığı ilə qaçırmaq istədiyini bildirdi. Biz qızı Masallı rayonundan götürdük və Biləsuvar rayonu istiqamətində hərəkət etməyə başladıq. Göytəpə postunu keçdikdən sonra qız anasının xəstə olduğunu, qaçmaq istəmədiyini bildirdi. Maşını kənara çəkərək bunun nə demək olduğunu Ramindən soruşdum. Ramin mənə “fikir vermə qızdır, həyəcanlıdır. Sən sür nə olsa, mənlikdir” dedi. Onları Raminin Biləsuvardakı qohumugilə gətirib düşürərək Bakıya qayıtdım”.

“Biz qızı zorla qaçırmamışıq”

Ziya Səlimov daha sonra ifadəsində qeyd edib ki, həmin vaxta kimi bir dəfə də olsun, qaçırılan qızı görməyib: “Qızın yetkinlik yaşına çatmasını bilməmişəm. Ramin də bu barədə mənə heç nə deməyib. Biz qızı zorla qaçırmamışıq. Qız sərbəst şəkildə maşına oturub. Əməlimdən peşmanam. Yenicə ailə qurmuşam. Etdiyim hərəkətin məsuliyyətini dərk etməmişəm”.

Ziya Səlimov əlavə edib ki, taksi sürücüsü kimi fəaliyyət göstərib və qızın zorla qaçırılmasından xəbəri olmayıb: “Dəfələrlə məhkum iclaslarında günahsız olduğumu demişəm. Bildirmişəm ki, cinayət törətmədiyimə görə, özümü təqsirli bilmirəm. Bu illər həbsxana həyatı yaşadığım üçün çox peşmanam. Bundan sonra bir də belə addım atmayacağıma söz verirəm”.

Qeyd edək ki, Lənkəran Ağır Cinayətlər Məhkəməsinin hökmü ilə Ramin Quliyev 11 il 6 ay, Ziya Səlimov 5 il müddətinə azadlıqdan məhrum edilib. Kəmalə Dadaşova 4 il 6 ay müddətinə azadlıqdan məhrum edilsə də, məhkəmə onun cəza çəkməsini təxirə salıb.

Belə ki, məhkəmə Kəmalə Dadaşovanın himayəsində azyaşlı uşaq olmasını nəzərə alaraq cəzanın çəkilməsini 8 il müddətinə təxirə salıb. Hökmə əsasən, Kəmalə Dadaşovanın uşağı 8 yaşına çatandan sonra onun barəsində olan hökm icra olunacaq.

Hacı Zeynalov
Foto: Ruslan Allahverdiyev