Bakıda partlayışda 3 İran vətəndaşı yaralandı

Bakının Binəqədi rayonu ərazisində yerləşən şirniyyat sexində təbii qazın sızmasından yanğına keçən partlayışda xəsarət alanların kimliyi müəyyənləşib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, mayın 11-də saat 16 radələrində Binəqədi rayonu İ.Dadaşov küçəsində Bakı şəhər sakini Şakir Gözəlova məxsus şirniyyat sexində təbii qazın sızmasından yanğına keçən partlayış baş verib.

Nəticədə bütövlükdə sexin yanar konstruksiyaları və obyektdəki əşyalar yanmış, orada işləyən İran vətəndaşları Cəccat Ovcani, Murtuza Əlizadə, qardaşı Mustafa və Bakı şəhər sakini Mahrux Hüseynova yanıq xəsarətləri ilə xəstəxanaya yerləşdirilib.

Hacı Zeynalov