12 Yanvar 2015 17:18
405

Daxili İşlər Nazirliyi Şabran rayonunda baş verən ağır yol nəqliyyat hadisəsi ilə bağlı məlumat yayıb.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə yanvarın 11-də, saat 20 radələrində Şabran rayonu ərazisində qeydə alınıb. Rayon sakini Elvin Əliyevin idarə etdiyi “VAZ-2106” və Bakı şəhər sakini Ehtiram Məmmədovun idarə etdiyi “Nissan” markalı avtomobillər toqquşub.

Elvin Əliyevin sərnişinlərindən - qardaşı Azad hadisə yerində ölüb, özü və digər 2 sərnişini, habelə Ehtiram Məmmədov xəstəxanaya yerləşdirilib.

Faktla bağlı cinayət işi başlanıb.

Hacı Zeynalov


Müəllif: