İstanbuldakı silahlı hücuma görə 34 nəfər saxlanıldı

İstanbulda məhkəmə binasına silahlı hücum nəticəsində yaralananların vəziyyəti stabildir, onların müalicəsi xəstəxanada davam edir.

Teleqraf.com xəbər verir ki, bu barədə jurnalistlərə açıqlamasında ölkənin ədliyyə naziri Yılmaz Tunc bildirib.

O qeyd edib ki, terror aktı ilə bağlı cinyaət işinin başlanıb hazırda iş üzrə 34 nəfərin saxlanılıb.

Qeyd edək ki, bu gün Türkiyənin İstanbul şəhərində Çağlayan Məhkəməsinin C qapısı qarşısındakı nəzarət-buraxılış məntəqəsində terror aktı törədilib. 1-i qadın və 1-i kişi olmaqla, 2 terrorçu öldürülüb. Zərərləşdirilən E.Y. və P.B adlı şəxslərin DHKP/C terror təşkilatının üzvü olduğu müəyyən edilib.

Hücum zamanı 3-ü polis, 3-ü vətəndaş olmaqla 6 nəfər yaralanıb.