Gözəllik kraliçası sevgilisi ilə birlikdə qətlə yetirildi

27 yaşlı filippinli gözəllik kraliçası, model Cenevrə Lopez və onun 37 yaşlı israilli aktyor sevgilisi Yitzhak Cohenin cəsədləri tapılıb.

Teleqraf.com xəbər verir ki, cütlük iki həftə öncə itkin düşüb. Onların cəsədləri karxanada dayaz qəbirdə tapılıb.

Cütlüyün mülk sövdələşməsini müzakirə etmək üçün iyunun 21-də Filippinin Tarlak şəhərindən Kapas şəhərinə yola düşdüyü bildirilib. Ertəsi gün səhər onların avtomobili yanmış halda tapılıb. Bundan sonra cütlüyün tapılması üçün axtarışlara başlanılıb.

Aparılan araşdırmalar nəticəsində cütlüyün güllələnərək öldürüldüyü məlum olub.

Hadisə ilə əlaqədar iki polis məmuru da daxil olmaqla, dörd şübhəli həbs edilib.