11 sentyabr terrorunu törətməkdə təqsirləndirilən şəxslər barədə yeni qərar qəbul edildi

Sentyabrın 11-də Nyu-Yorkda terror aktı törətməkdə şübhəli bilinən üç nəfərin ölüm cəzası yenidən yubadılacaq.

Teleqraf.com xəbər verir ki, bu barədə "New York Post” nəşri məlumat yayıb.

Məlumata görə, məhkəmə prokurorlarla təqsirləndirilən şəxslər arasında əldə olunmuş və müttəhimlərə ölüm hökmlərinin ömürlük həbslə əvəzlənməsi müqabilində təqsirli olduqlarını etiraf etməyə imkan verən məhkəməyə qədərki razılaşmanı ləğv edib.

Apellyasiya məhkəməsi ABŞ-ın müdafiə naziri Lloyd Ostinin məhkəməyə qədərki razılaşmanı ləğv etmək əmrini ləğv edib.

Məlumata görə, Ostinin hələ də bu məhkəmə qərarına etiraz etmək şansı var.