Bakı sakini özünü bıçaqladı

Bakının Nizami rayonunda bıçaqlanma hadisəsi baş verib.

Nizami Rayon Polis İdarəsindən Teleqraf.com-a verilən məlumata görə, hadisə rayonun Qara Qarayev prospekti 26 ünvanında törədilib.

Bakı şəhər sakini Anar Məmmədov naməlum şəxs tərəfindən bıçaqlanıb. O, bıçaq xəsarəti ilə Kliniki Tibbi Mərkəzə yerləşdirilib. Vaxtında tibbi yardım göstərildiyi üçün Anar Məmmədovun həyatını xilas etmək mümkün olub.

Anar Məmmədov polisə verdiyi ifadəsində bildirib ki, ehtiyatsızlıqdan özünə xəsarət yetirib. Hazırda Anar Məmmədovun ehtiyatsızlıqdan və yaxud kiminsə tərəfindən bıçaq xəsarəti alması istintaq orqanı tərəfindən araşdırılır.

Hacı Zeynalov