Biləsuvarda mağazadan oğurluq edilib.
Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.
Məlumata görə, Biləsuvar Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində martın 10-da Sakit Mustafayevə məxsus mağazadan 300 manat oğurlamış şəhər sakinləri Elməddin Əhmədov və Saməddin Mirzəzadə tutulublar.
Neftçala polisi isə evdən oğurluq edən şəxsi yaxalaya bilib. Martın 10-da Mais Ağalarovun evindən qızıl əşyalar oğurlanıb. Polisin keçirdiyi əməliyyat nəticəsində oğurluğu edən həmyerlisi Möhsüm Əliyev tutulub.
Hacı Zeynalov