“Topaz”dan oğurluq edildi

Bakının Xətai rayonunda “Topaz” mərc oyunları klubundan oğurluq edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Xətai Rayon Polis İdarəsinin 34-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində ötən il dekabrın 22-də Vüqar Həsənova məxsus “Topaz” mərc oyunları klubundan 150 manat oğurlamış Yevlax rayon sakini İsa Bəkirov saxlanılıb.

Ətrafında aparılmış əməliyyat tədbirləri ilə onun Samir Hüseynova məxsus klubdan və Yalçın Nağıyevə məxsus mağazadan pul, məişət əşyaları və ərzaq məhsulları, habelə Anar Əliyevə məxsus velosipedi oğurlaması müəyyən edilib.

Hacı Zeynalov