1 Aprel 2015 15:22
564
12 Punto 14 Punto 16 Punto 18 Punto

Bakı Apelyasiya Məhkəməsində dostunu öldürməyə cəhddə ittiham olunan Elnur Ramazanovun apelyasiya şikayətinə baxılıb.

Teleqraf.com xəbər verir ki, hadisə 2014-cü ilin aprelin 9-da Abşeron rayonu Mehdiabad qəsəbəsinin ərazisində qeydə alınıb.

Qəsəbə sakini Elnur Ramazanov münaqişə zəminində həmyerlisi Etibar Muradova bıçaqlayıb. Abşeron rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Elnur Ramazanov tutulub.

Araşdırma zamanı müəyyən edilib ki, fəhləliklə məşğul olan Elnur Ramazanov və Etibar Muradov həmin gün içki məclisi qurublar. Bir yerdə fəhlə işləyən dostların içki məclisi sonda qanla bitib. Etibar Muradov iş yoldaşı Elnur Ramazanovun qanını axıdıb.

Dostlar Mehdiabad qəsəbəsi ərazisində yeyib-içiblər. Elə masadan qalxmamış sözləri çəp gəlib. Bu zaman Etibar stolun üzərindəki bıçağı götürərək Elnura zərbə vurub. Yaralının həyatını xilas etmək mümkün olub.

Bakı Ağır Cinayətlər Məhkəməsinin hökmü ilə Elnur Ramazanov 13 il müddətə azadlıqdan məhrum edilib. Hökmdən narazı qalan Elnur Ramazanovun vəkili apelyasiya şikayəti verib.

Hakim Faiq Qasımovun sədrliyi ilə keçirilən prosesdə apelyasiya şikayəti üzrə qərar elan edilib. Qərara görə, Elnur Ramazanovun apelyasiya şikayəti təmin edilməyib.

Hacı Zeynalov


Müəllif: