İki qadını avtomobil vurdu

Bakının Nizami rayonunda iki nəfərin xəsarət alması ilə nəticələnən yol qəzası olub.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Z.Bünyadov prospektində qeydə alınıb. Müəyyən edilməmiş avtomobillə yolu keçən Bakı şəhər sakinləri Röyalə Bayramova və Günel Ağayeva vurulublar. Röyalə Bayramovaya və Günel Ağayevaya xəstəxanada ilkin tibbi yardım göstərilib.

Faktla bağlı Nizami Rayon Polis İdarəsi tərəfindən əməliyyat-axtarış tədbirləri aparılır.

Hacı Zeynalov