Gəncədə satıcılar arasındakı mübahisə qanla bitdi

Gəncədə bıçaqlanma hadisəsi baş verib.

Teleqraf.com-un Kəpəz televiziyasına istinadan verdiyi məlumata görə, hadisə şəhərin əhali arasında “Dubay bazarı” adlandırılan ərazisində qeydə alınıb.

21 yaşlı Gəncə şəhər sakini, bazarda satıcı işləyən Təbriz Tağıyev münaqişə zəminində digər satıcı tərəfindən bıçaqlanıb.

Yaralı Gəncə şəhər Təcili və Təxirəsalınmaz Tibbi Yardım Xəstəxanasına gətirilib.

İlkin tibbi müayinə zamanı onun sağ bud nahiyəsində kəsilmiş-deşilmiş bıçaq yarası aşkarlanıb.

Faktla bağlı araşdırma aparılır.