İnternet klubdan oğurluq edilib

Bakının Nəsimi rayonunda internet klubdan oğurluq edilib.

Bu barədə Teleqraf.com-a Bakı Şəhər Baş Polis İdarəsindən məlumat verilib.

Məlumata görə, cinayətin üstünün açılması üçün əməliyyatı Nəsimi Rayon Polis İdarəsinin 19-cu polis bölməsinin əməkdaşları keçirib. Aprelin 16-da saat 20 radələrində Sumqayıt şəhər sakini Teymur Müzəffəri-Həqiqiyə məxsus A.Mustafayev küçəsidə yerləşən kompyuter salonundan 2 ədəd “Playstation” aparatının idarə etmə cihazlarını oğurlanıb.

Keçirilən əməliyyat zamanı oğurluqda şübhəli bilinən Abşeron rayon sakini, 1991-ci il təvəllüdlü Elşən Elşad oğlu Əzimov tutulub.

Hacı Zeynalov